Një ngjarje horror ka ndodhur në një familje Maliq disa ditë më parë më 17 shkurt, ku babai ka vrarë djalin me sende të forta.
Mëngjesin e kësaj të hënë Gjykata ka marrë vendimin për autorin e ngjarjes, ku ka lënë në burg77-vjeçarin Shefki Bylykbashi, i akuzuar për veprën penale “Vrasja për shkak të marrëdhënieve familjare”.
Kujtojmë se viktimë e ngjarjes mbeti, 50-vjeçari Hamdi Bylykbashi, i cili mësohet se ka qenë i dehur në momentet kur ka ndodhur konflikti mes tij dhe të atit, të cilin ka dashur t’a hedhë në pusin e ujit në oborr.
Ku pas konfliktet me djalin, i moshuari e ka goditur disa herë në kokë të birin me një çekiç që përdoret për të thyer gurë. Sakaq, raportohet se viktima ishte i divorcuar nga bashkëshortja dhe jetonte jashtë vendit. Ai kishte disa muaj që ishte kthyer nga Franca. Për shkak të divorcit, 50-vjeçari kishte nisur të konsumonte alkool çdo ditë.
